Հարավային Աֆրիկայում բողոքական քահանան մաչետեով կտրել է գողի ձեռքերը, երբ վերջինիս բռնել է եկեղեցուց մարտկոց գողանալիս։
Ըստ Daily Star-ի՝ եկեղեցուց գողության մեջ մեղադրվող 28-ամյա Դումիսանի Մահլանգուն պատմել է, որ ինքը գնում էր ընկերոջ մոտ և պատահաբար հայտնվել է տաճարի տարածքում, որի վանահայրը 58-ամյա Սոլոմոն Մհլանգն է։
Սկզբում տղամարդուն շրջապատել են եկեղեցին հսկող զինված վեց ծխականները, որոնք, ենթադրելով, թե նա ուզում է գողանալ եկեղեցու մարտկոցը, սկսել են ատրճանակներով կրակել նրա ոտքերի տակ, ապա կանչել են վանահորը։ Շուտով սա եկել է ու կապկպել Մահլանգային, այնուհետև ենթադրյալ գողին տարել է անտառ և հայտարարել, որ կսովորեցնի նրան այլևս գողություն չանել:
Քահանան կասկածյալի ձեռքերը կապել է ծառի ճյուղին ու մաչետեով կտրել նրա մի ձեռքը։ Տուժողը վանահորն աղաչել է, որ գոնե մյուս ձեռքը չկտրի, բայց վանահայրը, անտեսելով ենթադրյալ գողի աղերսները, նրա մյուս ձեռքն էլ է կտրել։ Տղամարդը պատմել է, որ վանահայրն ու նրա որդին իր կտրված վերջույթները ծածկել են հողով ու տերևներով և հեռացել՝ կռնատ տղամարդուն անտառում թողնելով մենակ, որ արնահոսի։ Տուժածը դուրս է եկել ճանապարհ և օգնություն խնդրել բանվորներից։ Նրանք այնքան են ցնցվել տեսարանից, որ հրաժարվել են օգնել։
«Ես դեռ զգում եմ, որ ձեռքերս տեղում են, բայց երբ նայում եմ, բան չեմ տեսնում: Չգիտեմ ինչ անել. Հիմա ուրիշներից եմ կախված»,- ասում է տուժողը։
Քահանայի գործած լինչի դատաստանից անմիջապես հետո տուժողը հիվանդանոցում ենթարկվել է արյան վեց փոխներարկման։
Տոգոն ձերբակալվել է սպանության փորձի մեղադրանքով, նույն մեղադրանքն է առաջադրվել մեղադրյալի 20-ամյա որդուն, որն օգնել է հորը սեփական արդարադատություն իրականացնել։
