Ռուսաստանը առաջիկա մի քանի ամիսներին Թուրքիային է ներկայացնելու լրացուցիչ փաստաթղթեր «Հարավային հոսք» նախագծի վերաբերյալ եւ ակնկալում է Անկարայի դրական որոշումը` այդ գազատարի ծովային հատվածը նրա տնտեսական մասով անցկացնելու կապակցությամբ, հայտարարել է Ռուսաստանի վարչապետ Վլադիմիր Պուտինը իր սլովեն գործընկեր Բորուտ Պախորի հետ համատեղ ասուլիսում:
Նա միաժամանակ նշել է, թե Ռուսաստանը պատրաստ է իրադարձությունների ցանկացած զարգացման:
«Օրինակ, հնարավոր ենք համարում գազը հեղուկացնել Սեւ ծովի ափին եւ գազատարներով հասցնել Բուլղարիայի ափ, այնտեղ կրկին փոխակերպել ու մղել խողովակաշար»,- ասել է Պուտինը:
«Հարավային հոսքը», որ համարվում է Nabucco-ի մրցակիցը, ռուս-իտալո-ֆրանսիական նախագիծ է, որը Նովոռոսիյսկից գազ է տեղափոխելու բուլղարական Վառնա, այնտեղից էլ եվրոպական երկրներ:
