News
Լրահոս
News
Հինգշաբթի
Մայիս 16
Տեսնել լրահոսը

Կառավարությունն առաջարկում է Սյունիքի, Լոռու, Կոտայքի և Գեղարքունիքի մարզերի 6 համայնքներին, որոնք միասին ընդգրկում են 33 ազդակիր բնակավայր, համայնքային մասհանումներ իրականացնել, այն է՝ ռոյալթիների 2 տոկոսի մասով: Այդ մասին որոշման նախագիծը Կառավարության՝ մարտի 28-ի նիստին ներկայացրեց ՏԿԵ նախարար Գնել Սանոսյանը:

Նախարարը հիշեցրեց, որ նախկինում իրավական կարգավորումներ էին արվել, արդյունքում 2023 թվականին գործընթացը բյուջետավորվել է, հաշվարկներ են արվել, և համապատասխան ծրագրերն են ներկայացվել, և այժմ հատկացումների փուլն է:

«Հատկացումը տեղի է ունենում հետևյալ կերպ. նախ հաշվարկվում է ամբոջ գումարը, որն այս տարվա համար կազմում է 1 միլիարդ 51 միլիոն դրամ, որի 50 տոկոսը բաշխվում է բոլոր ազդակիր բնակավայրերին, իսկ մյուս 50 տոկոսը՝ բոլոր այդ 6 համայնքներին: Այս որոշմամբ փորձում ենք այդ բաշխումն իրականացնել, որի արդյունքում Մեղրի համայնքը կստանա 93 միլիոն դրամ, Քաջարան համայնքը՝ 190 միլիոն դրամ, Կապանը՝ 251 միլիոն դրամ, Վարդենիսը՝ 185 միլիոն, Ալավերդին՝ 246 միլիոն, և Ծաղկաձորը՝ 85 միլիոն դրամ»,- ասաց նա և հավելեց, որ սահմանված են առաջնահերթություններ, թե այս գումարներով ինչ ծրագրեր կարող են իրականացվել:

Հատկացումները նախատեսված են տարբեր ոլորտների համար՝ գյուղատնտեսություն, կրթություն, գիտություն, առողջապահություն, սոցիալական ապահովություն, մշակույթ, սպորտ, երիտասարդության զբաղվածություն, քաղաքաշինություն, ջրամատակարարում, ջրահեռացում, տրանսպորտ, ճանապարհաշինություն, զբոսաշրջություն: Առավելությունը տրվելու է ազդակիր համայնքներին:

ՀՀ վարչապետ Նիկոլ Փաշինյանը հետաքրքրվեց՝ ինչպես են ձևավորվում այդ գումարները, դրանք 2023 թվականին արդեն իսկ վճարված ռոյալթիների գումա՞րն է: Նախարարը պարզաբանեց՝ կարգավորումն այնպես է, որ 3 տարի պետք է հետ գնալ և հաշվարկել գումարն այդ տարվանից, այսինքն՝ ամեն տարի վճարվելու է 3 տարի առաջ վճարվածը:

«2021 թվականին մեր մետաղական հանքերը բյուջե են վճարել 52 միլիարդ դրամ ռոյալթի, հիմա սա այդ 52 միլիարդի 2 տոկոսն է, և այսպես՝ ամեն տարի: Հաջորդ անգամ մենք 2022-ի վճարածը [պետք է վճարենք], հետո՝ 2023-ի»,- ասաց նախարարը:

Նախարարը նաև թվարկեց այն աշխատանքները, որոնք կատարվելու են հատկացված գումարով: Օրինակ՝ Մեղրիում մարզադաշտի վերանորոգում է նախատեսվում, Կապանում՝ Արծվանիկ բնակավայրի խմելու ջրամատակարարման ապահովման ծրագիր, Սոթքում՝ ոռոգման ներքին ցանց, Տրետուքում՝ ճանապարհի ասֆալտապատում և ամենագնացի ձեռքբերում, Կուտականում՝ ոռոգման արտաքին ցանց, Կախակնում՝ ճանապարհի ասֆալտապատում, Ալավերդիում՝ Շնող, Թեղուտ, Ճոճկան բնակավայրերի ճանապարհային ցանցի բարելավում, Ծաղկաձորում՝ մարզամշակութային կենտրոնի կապիտալ նորոգում, գույքի ձեռքբերում, բարեկարգում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մեկնարկել է հանրային ծառայողներին «Ավան Թաուերս» թաղամասում բնակարանի ձեռքբերման համար դիմումների ընդունումը
Հանրային ծառայողներին բնակարաններով ապահովման ծրագրի շրջանակում Ավան վարչական շրջանում կառուցվող բազմաբնակարան շենքային համալիրից բնակարան...
Կոտայք-Գեղարքունիք աղբավայրի շինարարությունը մոտենում է ավարտին. Սանոսյան
Միաժամանակ նա խոստովանեց, որ Երևանում նոր աղբավայրի կառուցման հետ կապված խնդիրներ են առաջացել, որոնք, նրա վստահեցմամբ, լուծվում են...
Դոլարի փոխարժեքը նվազել է. եվրոն թանկացել է
ԱՄՆ դոլարի փոխարժեքն այսօր՝ մայիսի 15-ին, կազմել է…
ՀՀ նախագահն ու ՎԶԵԲ նախագահը մտքեր են փոխանակել ՀՀ կապիտալի շուկայի զարգացման, ենթակառուցվածքների ֆինանսավորման շուրջ
Հայաստանում անցկացվող Վերակառուցման և զարգացման եվրոպական բանկի...
Մարզպետարանից եկել են, Օհանավանում կարկուտի պատճառած վնասի չափը տեսել, բայց փոխհատուցման մասին ոչինչ չեն ասել.Գյուղապետ
Ո՞ւմ դիմենք, բոլորն էլ արդեն գիտեն վնասի մասին: Ժովորդի համար սովորական է դարձել. էնքան ա եղել, որ նման դեպք ա եղել ու ոչ մի տեղից փոխհատուցում չեն տվել...
«Նատֆուդ» ՓԲԸ-ի և «Սևծովյան Առևտրի և զարգացման բանկ»-ի միջև կնքվել է նոր բաժնետիրական պայմանագիր (ֆոտո)
«BSTDB»-ի կողմից վարկի վերակառուցումից հետո այն կրճատվել է մինչև 5 միլիոն եվրո, իսկ մարման ժամկետը երկարացվել է մինչև 2034 թվականը («Վերակազմակերպում»)...
Ամենաշատ