Անկարայի փողոցներ են դուրս տասնյակ հազարավոր մարդիկ: Դրանք արհմիությունների անդամներ են եւ աշխատավորներ, որոնք եկել են երկրի բոլոր ծայրերից: Բողոքողներին միացել են նաեւ 60 պատգամավորներ ընդդիմադիր «Ժողովրդա-հանրապետական» կուսակցությունից, հաղորդում է Utro.ru-ն:
Ցուցարարները փակել են քաղաքի կենտրոնական պողոտաները եւ փորձել գրոհել պետական շինությունները՝ հակակառավարական կարգախոսներ հնչեցնելով:
Ոստիկանությունը փակել է դեպի խորհրդարանի շենք տանող գլխավոր ճանապարհները, օգտագործել է արցունքաբեր գազ եւ ջրանետ մեքենաներ, իսկ ցուցարարները քարեր ու փայտեր են նետել ոստիկանների ուղղությամբ:
Լրատվամիջոցների տվյալներով, ցուցարարների եւ ոստիկանների շարքերում կան վիրավորներ: Որոշ ցուցարարներ գլխից են վիրավոր:
Մարդկանց փողոց է դուրս բերել աշխատանքային օրենսդրության փոփոխությունները, որոնք կառավարությունը ներկայացրել է խորհրդարանի քննարկմանը: Նոր օրինագիծը ենթադրում է նվազագույն աշխատավարձի կրճատում: Եթե օրինագիծը հաստատվի, գործատուն իրավունք կստանա 4 ամիս չվճարել ուսանողներին ու ստաժորներին: Բացի այդ, կարգելվի աշխատանքի ընդունել մարդկանց, ովքեր սոցիալական ապահովագրություն չունեն:
Այս նախաձեռնությունը բողոքի ալիք է բարձրացրել ոչ միայն Անկարայում, այլեւ Թուրքիայի այլ քաղաքներում, այդ թվում Ստամբուլում: Թուրքիայի ՆԳ նախարար Բեշիր Աթալայը բողոքի ակցիաներն անօրինական է համարել: Նրա խոսքով, իշխանություններն արգելում են բողոքի ակցիաներ անցկացնել երկրի խորհրդարանի շենքի դիմաց: