Նիկոլ Փաշինյանն այսօր այցելել է Էջմիածին քաղաքի «Երվանդ Օտյանի» անվան թիվ 7 հիմնական նորակառույց դպրոց, որտեղ իրականացվել են արձանագրված թերությունների վերացման աշխատանքներ: Այս մասին Նիկոլ Փաշինյանը հայտնել է իր ֆեյսբուքյան էջում:
Նիկոլ Փաշինյանը շրջել է դպրոցում, ստուգել մարզադահլիճի գույքը:
Նա այսօր այցելել է նաև Արաքս համայնքի Արտիմետ բնակավայրի «Ժորա Հակոբյանի» անվան միջնակարգ դպրոց, հետևել մարզադահլիճի աշխատանքների ավարտական ընթացքին: Հրապարակման մեջ շեշտել է, որ նախորդ անգամ արձանագրված թերությունները շտկված էին։
Դպրոցների ճանապարհին Նիկոլ Փաշինյանն այցելել է նաև Գայ բնակավայր, զրուցել բնակիչների հետ:
