Ցավում ենք, որ Հայաստանի իշխանությունները շարունակում են ՀԱՊԿ-ի հասցեին իրենց հրապարակային քննադատությունը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով ՀԱՊԿ-ի վերաբերյալ Հայաստանի վարչապետ Նիկոլ Փաշինյանի հայտարարությունը։
«Քննադատել կարելի է և պետք է, բայց ոչ անհիմն։ Խոսքն անհիմն քննադատության մասին է։ Դա այն դեպքում, երբ կազմակերպության քարտուղարությունը հրապարակավ հաստատել է հանրապետության նկատմամբ, ՀԱՊԿ կանոնադրական նպատակների և սկզբունքների համապտասխան, իր բոլոր պարտավորությունների պահպանումը»,- ասել է Զախարովան՝ նշելով, որ կազմակերպությունը 30 տարվա ընթացքում ապացուցել է Հարավային Կովկասում իր արդյունավետությունը։
