ԱՄՆ նախագահի հանրապետական թեկնածու Դոնալդ Թրամփը Իսրայելի վրա Իրանի հարձակման առումով հայտարարել է, որ դա չպետք է տեղի ունենար։ Նրա խոսքը Փենսիլվանիայում իր աջակիցների հանրահավաքում ունեցած ելույթից մեջբերել է Fox News-ը։
«Նախքան ավելի հեռուն գնալը, ուզում եմ ասել՝ Աստված օրհնի Իսրայելի ժողովրդին։ Նա այժմ գտնվում է հարձակման տակ: Դա պայմանավորված է նրանով, որ մենք մեծ թուլություն ենք դրսևորում»,- ասել է Թրամփը։
Ըստ նրա, Վաշինգտոնի ցուցաբերած թուլությունը «անհավանական է, և դա տեղի չէր ունենա, եթե մենք լինեինք իշխանության»։ Նա ընդգծել է, որ բոլորը հասկանում են, թե ինչու է տեղի ունեցել այս հարձակումը։
