Ռուսաստանի ուժայինները գրեթե կասկածներ չունեն, որ հյուսիսկովկասյան գրոհայինների առաջնորդ Դոկու Ումարովը կենդանի է մնացել Ինգուշեթիայում հատուկ գործողության ժամանակ: Այժմ տվյալներ չկան, որ նա գտնվում է Ինգուշեթիայի կամ Չեչնիայի տարածքում:
Հատուկ ծառայությունների աշխատակիցները վստահ են, որ Ռուսաստանի «թիվ մեկ ահաբեկիչը ներկայումս թաքնվում է արտերկրում: Հնարավոր տեղերի թվում նշվում են Թուրքիան կամ Վրաստանը», գրում է NEWSru.com-ը:
Ինգուշեթիայում չեն հավատում, որ Ումարովը թաքնվում է Թուրքիայում: «Դա չի կարող լինել, քանի որ կհայտնվեր թուրքական ծառայությունների ուշադրության կենտրոնում, եւ նրան կձերբակալեին»,- նշել են Ինգուշեթիայի հատուկ ծառայությունները:
Ռուսական հատուկ ծառայությունների կարծիքով, նա գտնվում է Վրաստանում, Պանկիսի կիրճում: Նա առողջական խնդիրներ ունի, իսկ Պանկիսի կիրճում գտնվում է գրոհայինների հոսպիտալը:
Ահաբեկիչների ոչնչացման գործողությունը տեղի է ուենցել Ինգուշեթիայի Սունժենի շրջանում: Ենթադրվում էր, որ սպանվել է նաեւ Ումարովը, սակայն փորձաքննության արդյունքում դա չէր հաստատվել: