Շատ կարեւոր է, որ Հայոց ցեղասպանությունն իրականացրած երկիրը խիզախություն ունենար ճանաչել եւ անկեղծորեն ապաշխարեր հանցագործության համար: Այդ մասին Երեւանում շվեդ խորհրդարանականների հետ զրույցում հայտարարել է Հայաստանի խորհրդարանի նախագահ Հովիկ Աբրահամյանը:
Նա ընդգծել է, որ Թուրքիան չի կարող դառնալ քաղաքակիրթ աշխարհի մասնիկն ու ժողովրդավարական երկիր, քանի դեռ չի ճանաչել իր անցյալի սխալները:
Ընդ որում, խորհրդարանի խոսնակը երախտագիտություն է հայտնել խիզախության եւ վճռականության համար, որը նրանք դրսեւորել են Ցեղասպանությունը դատապարտող բանաձեւի ընդունման ժամանակ: Միաժամանակ Աբրահամյանը տրտմությամբ նշել է, որ միջազգային հանրությունն առայժմ պատշաճ գնահատական չի տվել Հայոց ցեղասպանությանը` չնայած որ երկու տասնյակից ավելի երկրներ ընդունել եւ դատապարտել են այդ ոճրագործությունը:
Նշենք, որ Շվեդիայի խորհրդարանը 2010թ. մարտի 11-ին ընդունել է Հայոց ցեղասպանությունը դատապարտող բանաձեւը: