Վրաստանի կառավարությունն ի զորու չէ Հայոց ցեղասպանության ճանաչման հարցը լուծել, քանի իշխանության ղեկին է Միխաիլ Սահակաշվիլին։ Այս մասին NEWS.am-ի թղթակցի հետ հարցազրույցում ասաց Վրաստանի «Հանուն հաղթանակի» կուսակցության ղեկավար Շալվա Խաչապուրիձեն։
Նրա խոսքով՝ այս փաստը պայմանավորված է այն հանգամանքով, որ ներկայումս Վրաստանի իշխանությունը անկախ չէ, եւ պաշտպանում է այլ պետությունների կառավարությունների շահերը։ «Այն ժամանակ, երբ Վրաստանում իշխանության կգան հայրենասերները, իրենց հարեւանների պատմությունը հարգող մարդիկ, այդ ժամանակ հարցը կլուծվի»,- ասաց վրացի պատգամավոր, ընդդիմադիր գործիչը՝ ավելացնելով, որ «ինչքանով տեղյակ է» Վրաստանի խորհրդարանում կասեցվել է վրացահայության ներկայացրած Հայոց ցեղասպանության ճանաչման մասին նախաձեռնությունը:
Նշենք, որ Վրաստանի մի շարք հայկական կազմակերպություններ արդեն երկրորդ անգամ են դիմում Վրաստանի նախագահին եւ խորհրդարանին, Հայոց ցեղասպանության ընդունման հարցը քննարկելու խնդրանքով։ համապատասխան օրենքի նախագծի նախաձեռնությամբ հանդես գալու մասին նամակը ուղարկվել է Վրաստանի նախագահին, խորհրդարանի նախագահին, խմբակցություններին, ինպես նաեւ Վրաստանի հայ պատգամավորներին։
Հիշեցնենք, որ Վրաստանի հայկական կազմակերպությունները կոչ են արել այդ երկրի պատգամավորներին մինչեւ ապրիլի 24-ը հանդես գալ 1915-1923 թթ. Հայոց ցեղասպանության անմեղ զոհերի հիշատակին նվիրված եւ Ցեղասպանությունը քննադատող հայտարարությամբ։
