Ապրիլի 29-ին Երևանի Վահան Զատիկյանի անվան թիվ 90 դպրոցում կազմակերպված միջոցառման ժամանակ բեմում 13-ամյա աշակերտուհին վայր է ընկել և մահացել:
Քննչական կոմիտեի մամուլի խոսնակ Գոռ Աբրահամյանը NEWS.am-ի հետ զրույցում պատմեց, որ ապրիլի 29-ին՝ ժամը 16:15-ի սահմաններում ոստիկանության Մալաթիայի բաժին ահազանգ է ստացվել «Աստղիկ» բժշկական կենտրոնից, որ «կլինիկական մահ» ախտորոշմամբ իրենց մոտ են տեղափոխել մի երեխայի:
Քննչական կոմիտեից հայտնեցին, որ գործով նախաձեռնվել է քրեական վարույթ քրեական օրենսգրքի 155-րդ հոդվածի առաջին մասի հատկանիշներով՝ որպես հանկարծամահություն: Իրականացվում է նախաքննություն, որի շրջանակներում կատարվել է դիակի արտաքին զննություն, որևէ հետքներ չեն հայտնաբերվել:
«Նշանակվել է դիակի դատաբժշկական փորձաքննություն, որի եզրակացությունը հետագայում կարևոր նշանակություն կունենա մահվան պատճառները պարզելու և դեպքին ընդհանուր առմամբ իրավական գնահատական տալու առումով: Համակողմանի քննություն է իրականացվելու: Կպարզվեն նաև դեպքին նախորդած շրջանում երեխայի առաջողական վիճակի հետ կապված հանգամանքները»,-ասաց Գոռ Աբրահամյանը:
