Մեծ Բրիտանիայի Քեմբրիջի համալսարանի մասնագետների գլխավորությամբ աստղագետների միջազգային թիմը հայտնաբերել է երբևէ նկատված ամենահին գալակտիկան: Այն առաջացել է ավելի քան 13 միլիարդ տարի առաջ, երբ Տիեզերքն ընդամենը 700 միլիոն տարեկան էր: Հետազոտությունը հրապարակվել է Nature գիտական ամսագրում։
Գիտնականները հայտնաբերել են վաղ գալակտիկա՝ օգտագործելով Ջեյմս Ուեբ տիեզերական աստղադիտակը:
Ինչպես ցույց են տվել դիտարկումները, աստղերի ձևավորման գործընթացները բաց համակարգում վաղուց դադարել են։ Աստղագետները կարծում են, որ նոր աստղերի ծնունդը կանգ է առել տարբեր գործոնների պատճառով, որոնք մաքրել են գազակույտը: Դա կարող է տեղի ունենալ գերզանգվածային սև խոռոչի գործունեության կամ այլ պատճառներով:
«Թվում է, թե ամեն ինչ ավելի արագ և կտրուկ է տեղի ունեցել վաղ Տիեզերքում, և դա կարող է ներառել գալակտիկաների անցում աստղերի ձևավորումից դեպի հանգստություն կամ անհետացում», - ասում է տիեզերաբան Թոբիաս Լուսերը՝ հետազոտության գլխավոր հեղինակը:
Քանի որ գալակտիկան գտնվում է Երկրից շատ հեռու, աստղագետները դիտարկել են այն այնպես, ինչպես 13 միլիարդ տարի առաջ: Փորձագետները խոստովանել են, որ անցյալ դարաշրջաններում համակարգը կարող էր վերադառնալ կյանքի և նորից սկսել աստղեր ձևավորել:
