Դարդանելի նեղուցում շարքից դուրս է եկել լցանավ, տեղեկացրել է «ՌԻԱ Նովոստի»-ն՝ հղում կատարելով Թուրքիայի ափային պահպանության գլխավոր վարչությունում ունեցած աղբյուրին։
«Շարքից դուրս է եկել 180 մետր երկարությամբ Sea Marine 1 լցանավի շարժիչը... Դարդանելի նեղուցի կամրջի մոտ»,- ասել է գործակալության զրուցակիցը։
Նավը դուրս էր եկել Հունաստանից եւ նավարկում էր Վիետնամի դրոշի ներքո։
Հաջողվել է լցանավը հաջողությամբ քարշակել դեպի Շեւքեթիե նավամատույց։
Տեղեկացվել է, որ միջադեպը նավերի երթեւեկի վրա չի ազդել։