Երեւանը, որպես ՎԶԵԲ գործընկեր, պետք է աջակցի բանկի ընդլայնմանը Աֆրիկայի Սահարայից հարավ գտնվող մի շարք երկրների, ինչպես նաեւ Իրաքի ուղղությամբ։ Այս մասին Ազգային ժողովի նիստում, «Վերակառուցման եւ զարգացման եվրոպական բանկի ստեղծման մասին N1 համաձայնագրի հոդվածում՝ ուղղված Սահարայից հարավ Աֆրիկայի երկրների ուղղությամբ բանկի աշխարհագրական ընդգրկման սահմանափակ ապահովմաըն եւ աստիճանական ընդլայնմանը» փոփոխություններ կատարելու մասին օրինագծի քննարկման ժամանակ, մայիսի 22-ին ասել է ֆինանսների փոխնախարար Էդուարդ Հակոբյանը։
Խոսքը, մասնավորապես, N259 բանաձեւի վավերացման մասին է։ 2023թ. մայիսի 18-ին այս բանաձեւը արդեն ընդունվել է ՎԶԵԲ կառավարիչների խորհրդի կողմից եւ նախատեսում է դեպի Իրաք եւ Սահարայից հարավ Աֆրիկայի մի շարք երկրներ՝ Կոտ դ՛Իվուար, Բենին, Գանա, Քենիա, Նիգերիա ե Սենեգալ բանկի գործունեության ընդլայնում։
«ՎԶԵԲ-ը սպասում է, որ անդամ երկրները իրենց վերաբերմունքը հայտնեն այս բանաձեւին եւ վավերացնեն այն օրենսդրական մակարդակով»,- ավելացրել է Հակոբյանը։