![](img/news/82/46/90/default.jpg)
Իրանի նախագահի աշխատակազմի ղեկավար Գոլամհոսեյն Էսմաիլին հաստատել է, որ երեք թե չորս անգամ հեռախոսով խոսել է Թավրիզ քաղաքի իմամ Մոհամադ Ալի Ալե Հաշեմի հետ արդեն Էբրահիմ Ռաիսիի ուղղաթիռի կործանումից հետո։ Այս մասին նա տեղեկացրել է Իրանի IRIB հեռուստաալիքի եթերում։
«Հայտարարեցին, որ կապ է հաստատվել օդաչուի՝ կապիտան Մոսթաֆիի բջջային հեռախոսի հետ, բայց նրա փոխարեն պատասխանել է այաթոլա Ալե Հաշեմը եւ ասել, որ իրեն վատ է զգում, որ իրենք ընկել են լեռնագոգում»,- պատմել է Էսմաիլին։
Նրա խոսքով՝ առնվազն երեք անգամ նա խոսել է իմամի հետ, իսկ կապը նրա հետ պահպանվել է եւս երեք-չորս ժամ աղետից հետո։