Մինսկի խմբի մանդատը սպառվել եւ կրում է հնացած բնույթ։ Ինչպես տեղեկացրել է APA-ն,  այս մասին ասել է Ադրբեջանի արտաքին գործերի նախարար Ջեյհուն Բայրամովը ԵԱՀԿ գործող նախագահ Յան Բորգի հետ համատեղ մամուլի ասուլիսում։

«ԵԱՀԿ Մինսկի խումբը իր գործունեության 30 տարում ոչ մի ավանդ չի ներդրել ադրբեջանա-հայկական հակամարտության լուծման գործում։ Մենք կարծում ենք, որ չկա այն ինստիտուտները պահպանելու անհրաժեշտություն, որոնց մանդատը սպառվել է եւ կրում է արխայիկ բնույթ»,- ասել է Բայրամովը։

Նույն միտքն ավելի վաղ նույն պաշտոնյայի հետ հանդիպման ժամանակ ասել էր Ադրբեջանի նախագահը։