Իրանի արտաքին գործերի նախարար Հոսեյն Ամիր Աբդոլլահիանն ասել է, որ «մենք անցել ենք իրանա-արաբական երկխոսության փուլը»՝ նշելով, որ տարածաշրջանում սպառազինությունների մրցավազքը չի ծառայում որևէ մեկի շահերին, գրում է Mehr-ը։
«Մենք անցել ենք իրանա-արաբական երկխոսության փուլը և մտել ենք տարածաշրջանային երկխոսության մեջ, և ավելին, մենք գտնվում ենք տարածաշրջանային համագործակցության փուլում», - ասել է Իրանի արտգործնախարարը Իրանա-արաբական երկխոսությունների երրորդ հանդիպման ժամանակ ունեցած ելույթում։
Ըստ նրա, Իրանը վճռական է տարածաշրջանի երկրների միջև փոխըմբռնման խորացման հարցում։
«Տարածաշրջանային անվտանգությունը հնարավոր է ձեռք բերել միայն տարածաշրջանի երկրների համագործակցության միջոցով։ Տարածաշրջանի մի հատվածում անվտանգության բացակայությունը հանգեցնում է ամբողջ տարածաշրջանի անապահովության։ Մենք պետք է հանգենք այն եզրակացության, որ մեր տարածաշրջանը զենքի պահեստի վերածելը անվտանգություն չի բերի երկրներից ոչ մեկին և ողջ տարածաշրջանին»,- ընդգծել է Իրանի արտգործնախարարը։
