ԱՄՆ նախագահ Ջո Բայդենը կարգադրել է Կիևին 400 միլիոն դոլարի չափով ռազմական օգնության նոր փաթեթ տրամադրել: Ըստ BBC-ի՝ դրա մասին հայտնել է Սպիտակ տունը։
Հուշագրում նշվում է, որ Բայդենը պաշտպանության նախարարությանը լիազորել է Ուկրաինային օգնելու նպատակով շուրջ 400 միլիոն դոլար տրամադրել պաշտպանական արտադրանքի և ծառայությունների ինչպես նաև ռազմական պատրաստության և ուսուցման համար։ Փաթեթի մանրամասները Պենտագոնը կհայտարարի ավելի ուշ։
Ըստ Ֆրանսպրեսի՝ սա Ուկրաինային օգնության երրորդ փաթեթն է երեք շաբաթվա ընթացքում։ Վաշինգտոնն այսպիսով ձգտում է Կիևին փոխհատուցել ռազմական աջակցությունը համակարգելու համար ծախսված ժամանակը: