Ռուսական զորքերը ուրբաթ վաղ առավոտյան ցամաքային հարձակում են սկսել Խարկովի ուղղությամբ՝ 1 կմ առաջ անցնելով սահմանամերձ Վոլչանսկ քաղաքի մոտ և փորձելով բուֆերային գոտի ստեղծել: Դրա մասին հայտնել է Reuters-ը՝ հղում անելով ուկրաինական բարձրաստիճան զինվորական աղբյուրին։
Ըստ BBC-ի՝ ռուսական զորքերը ձգտում են ուկրաինական զինված ուժերը ՌԴ սահմանից 10 կիլոմետր հեռու մղել, ուկրաինական ուժերն էլ փորձում են կասեցնել ռուսների առաջխաղացումը:
Զրահատեխնիկայի աջակցությամբ առաջ գնալու այս փորձը, ըստ էության, նոր ճակատ է բացում պատերազմում, գրում է Reuters-ը։
Ուկրաինայի պաշտպանության նախարարությունից հայտնել են, որ Խարկովի մարզի սահմանամերձ շրջաններում մարտերը շարունակվում են, և Կիևը որպես համալրում օժանդակ ուժեր է ուղարկել այնտեղ:
