Ուկրաինայի նախագահ Վլադիմիր Զելենսկին մեկնաբանել է էներգետիկայի օբյեկտներին հասցված զանգվածային նոր հարվածը եւ դա կապել Երկրորդ համաշխարհային պատերազմում նացիզմի դեմ տարած Հաղթանակի եւ հիշատակի օրվա հետ, որը երկրում նշում են մայիսի 8-ին։
«Ավելի քան 5 հրթիռ եւ ավելի քան 20 «շահեդներ» ուղղվել են Լվովի, Վինիցայի, Կիեւի, Պոլտավայի, Կիրովոգրադի, Զապորոժիեի, Իվանո-Ֆրանկովսկի մարզերի դեմ։ Անհրաժեշտ բոլոր ծառայություններն արդեն աշխատում են տեղերում՝ վերացնելով ահաբեկության հետեւանքները»,- հայտնել է Զելենսկին։
«Ամբողջ աշխարհը պետք է հստակ հասկանա, թե ով ով է։ Ամբողջ աշխարհը իրավունք չունի նացիզմին էլի մեկ շանս տալու»,- նշվել է Թելեգրամում հրապարակված հայտարարությունում։
Ռուսաստանը չի մեկնաբանել նոր զանգվածային հարվածի մասին տեղեկությունները։ Էներգետիկայի նախարարի տվյալներով՝ գրոհի են ենթարկվել էներգետիկական օբյեկտներ վեց մարզերում. Զելենսկին նշել է յոթը։
