Տավուշի մարզի բնակիչները փակել են Երևան-Դիլիջան ավտոճանապարհը։ Նշվում է, որ ավտոճանապարհը փակվել է մոտ մեկ ժամով։ Համապատասխան տեսանյութը հրապարակել է ԱԺ «Հայաստան» խմբակցության պատգամավոր Գառնիկ Դանիելյանը։
«Այս օրերի ընթացքում ադրբեջանաթուրքական տանդեմն այս իշխանությունների հետ ձեռք-ձեռքի տված ապօրինի գործընթաց է իրականացնում՝ թշնամու առաջ բացելով Տավուշի մարզի դարպասները։ Հենց հիմա Տավուշի մարզի դարպասների մոտ ականազերծման աշխատանքներ են իրականացվում, մեր մարզ են հրավիրում ադրբեջանցիներին ու թուրքերին՝ անպաշտպան թողնելով Հայաստանի Հանրապետության պետական սահմանները։
Սիրելի՛ հայրենակիցներ։ Այսօր այս գյուղերում մենք կենաց ու մահու կռիվ ենք տալիս հանուն Հայաստանի Հանրապետության, հանուն ձեր երեխաների»,- ասել է նա՝ դիմելով հավաքվածներին։
