Թուրքիան բանակցություններ է վարում ամերիկյան ExxonMobil էներգետիկ հսկայի հետ հեղուկ բնական գազի (ՀԲԳ) բազմամիլիարդանոց գործարքի շուրջ՝ փորձելով սահմանափակել իր կախվածությունը ռուսաստանյան էներգակիրներից, գրում է Financial Times-ը։
Թուրքիայի էներգետիկայի նախարար Ալփարսլան Բայրաքթարը պարբերականին տված հարցազրույցում ասել է, որ երկիրը ձգտում է ստեղծել «մատակարարումների նոր պորտֆել», որը թույլ կտա նրան ավելի քիչ կախված լինել որևէ մեկ գործընկերոջից։
Բայրաքթարը Financial Times-ին ասել է, որ ամերիկյան ընկերության հետ քննարկվող երկարաժամկետ գործարքի շրջանակներում Թուրքիան կարող է տարեկան մինչև 2,5 միլիոն տոննա ՀԲԳ ստանալ։
Համաձայնագիրը կարող է տևել տասը տարի, հավելել է նա։
Նա նշել է, որ Exxon-ի հետ գործարքի կոմերցիոն պայմանները դեռ բանակցվում են։
Հաղորդվում է, որ Exxon-ի հետ Թուրքիայի գործարքը տեղի է ունենում այն ժամանակ, երբ Ռուսաստանի արտահանումը Եվրոպա նվազում է, քանի որ Եվրոպան մեծացնում է ՀԲԳ-ի գնումները համաշխարհային արտադրողներից, որպեսզի ՝ նվազեցնի ռուսաստանյան խողովակաշարով գազի ներմուծումը՝ ի պատասխան ուկրաինական հակամարտության:
LSEG տվյալների համաձայն, Ռուսաստանի ՀԲԳ-ի արտահանումը Եվրոպա 2023 թվականին կրճատվել է 1,9 տոկոսով՝ հասնելով 15,8 միլիոն մետրիկ տոննայի։
Թուրքիան, որը նավթ և գազ քիչ ունի, մեծապես կախված է հեղուկ բնական գազի Ռուսաստանից, Ադրբեջանից և Իրանից, ինչպես նաև Ալժիրից, Քաթարից, ԱՄՆ-ից և Նիգերիայից ներմուծումից:
