Աբխազիայի նախագահ Ասլան Բժանիան դիմել է հայ ժողովրդին՝ նշելով, որ Աբխազիայում, ինչպես ամբողջ աշխարհում, հարգում են 20-րդ դարասկզբի Հայոց ցեղասպանության զոհերի հիշատակը, ուղերձը հրապարակվել է նախագահի պաշտոնական կայքում։ .
Այսօր մենք սգում ենք հայ ժողովրդի հետ միասին։ Մեր երկրում, ինչպես ամբողջ աշխարհում, հարգում են քսաներորդ դարասկզբի ողբերգության զոհերի հիշատակը։
Աբխազիայի դիրքորոշումը եղել և մնում է հետևողական. մենք միշտ հավատացել ենք, որ մարդկանց զանգվածային սպանությունների համար որևէ արդարացում չկա և չի կարող լինել։ Նման իրադարձությունները չեն կարող ջնջվել մարդկանց պատմական հիշողությունից։
Փրկելով իրենց և երեխաների կյանքը՝ բազմաթիվ հայեր եկան Աբխազիա, որը դարձավ նրանց երկրորդ հայրենիքը։ Նրանց ժառանգներն այսօր իրենց ներդրումն են անում աբխազական պետության զարգացման գործում։
Այս սգո և հիշարժան օրը իմ անկեղծ ցավակցությունն եմ հայտնում Աբխազիայի հայկական սփյուռքին, ողջ հայ ժողովրդին, մաղթում ոգու տոկունություն, խաղաղություն և բարօրություն»:
