Թաիլանդը հաստատում է Եվրասիական տնտեսական միության (ԵԱՏՄ) հետ ազատ առևտրի համաձայնագրի կնքման շուրջ բանակցություններ սկսելու իր մտադրությունը։ Այս մասին ճեպազրույցում հայտարարել է Թաիլանդի արտաքին գործերի նախարարության ղեկավար Պանպրի Փիթհանուկոնը՝ Բանգկոկում իր ղազախ գործընկեր Մուրատ Նուրթլեուի հետ հանդիպման արդյունքներով։
«Ուրախ եմ, որ Ղազախստանը Թաիլանդի ամենամեծ առևտրային գործընկերն է Կենտրոնական Ասիայում։ Հուսով եմ, որ մեր երկկողմ ազատ առևտրի համաձայնագիրը պատրաստ կլինի և կստորագրվի մոտ ապագայում։ Ցանկանում եմ հաստատել Թաիլանդի մտադրությունը՝ զարգացնել տնտեսական համագործակցությունը Կենտրոնական Ասիայի և տարածաշրջանի հարևան երկրների հետ՝ բանակցություններ սկսելով Թաիլանդի և ԵԱՏՄ միջև ազատ առևտրի համաձայնագրի կնքման շուրջ։ «Այն կավելացնի երկկողմանի առևտրի ծավալները և ապագայում ճանապարհ կհարթի Հարավարևելյան Ասիայի երկրների ասոցիացիայի և ԵԱՏՄ-ի միջև ազատ առևտրի համաձայնագրի համար»,- ասել է նա։
