Ֆրանսիայի նախագահ Էմանուել Մակրոնը մտադիր է Փարիզում Օլիմպիական խաղերի ընթացքում հրադադարի հասնել ընթացիկ բոլոր հակամարտություններում։ Այս մասին նա հայտարարել է BFMTV հեռուստաալիքի եթերում։
«Մենք աշխատելու ենք օլիմպիական զինադադարի ուղղությամբ», - ասել է Մակրոնը։
«Ես կփորձեմ մեր գործընկերներից շատերին ներգրավել այս աշխատանքում։ Մի քանի շաբաթից Չինաստանի Ժողովրդական Հանրապետության նախագահը կգա Փարիզ, ես նրան կխնդրեմ օգնել ինձ»,- հավելել է նախագահը։
Մակրոնը ուկրաինական լրատվամիջոցներին տված հարցազրույցում ավելի վաղ ասել էր, որ Փարիզում Օլիմպիական խաղերի ժամանակ Ռուսաստանին կառաջարկի դադարեցնել կրակը։ ՌԴ նախագահ Վլադիմիր Պուտինը, մեկնաբանելով այս նախաձեռնությունը, նշել էր, որ Ռուսաստանը պատրաստ է դիտարկել ցանկացած հարց, սակայն ելնելու է իր շահերից և հատուկ ռազմական գործողության գոտում ստեղծված իրավիճակից։
