ԱՄՆ Կոնգրեսական Ռոդնի Ֆրելինգիուսեն նամակով դիմել է ԱՄՆ առեւտարյին ներկայացուցիչ Ռոնի Քըրքին, առաջարկելով պաշտոնական բանակցություններ սկսել Հայաստանի հետ` առեւտրի եւ ներդրումների վերաբերյալ շրջանակային համաձայնագիր կնքելու շուրջ: Այս մասին հայտնել է Ամերիկայի հայկական ազգային կոմիտեն:
ԱՄՆ Ներկայացուցիչների պալատի անդամ Ֆրելինգիուսեն, ով հատկացումների հեղինակավոր հանձնաժողովի, ինչպես նաեւ պաշտպանության ենթահանձնաժողովի անդամ է, Քըրքին գրել է, որ «ԱՄՆ-ի եւ Հայաստանի միջեւ առեւտրի եւ ներդրումների վերաբերյալ շրջանակային համաձայնագրի պատրաստման աշխատանքը կարեւոր քայլ կդառնա երկարատեւ տնտեսական կապերի եւ մեր առեւտրային հարաբերությունների ապահովման գործում»: Նա նաեւ ընդգծել է, թե որքան օգուտ կստանան առետրի ընդլայնումից Նյու Ջերսիի իր ընտրողները: