Երիտասարդ ռեփեր Հրագ Սիմոնյանը «Ժողովուրդ»-ի հետ զրույցում չհերքեց, որ ինքը «Կյանքի խոսք» կրոնական կազմակերպության հետեւորդ է՝ բացատրելով, թե ինչու է ընտրել այդ ճանապարհը. «Ես չեմ կարող գնալ Առաքելական ու էդ անհասկանալի լեզվով շարականը լսել, չեմ հասկանում: Մի անգամ էլ ինձ հրավիրել էին Հայ առաքելական եկեղեցի՝ քարոզի, ու ինչ խոսեց քահանան, ես չհասկացա: Պարզ լեզվով չէր խոսում»:
Երիտասարդը նաեւ առաջարկեց մեր հոգեւոր առաջնորդին՝ Ամենայն հայոց կաթողիկոս Գարեգին Բ-ին, որպեսզի «Աստվածաշնչի» մասսայական ընթերցում կազմակերպի ու երիտասարդ սերնդին մատուցի «Աստվածաշունչ»-ը եկեղեցու մեկնաբանությամբ:
Մեր հարցին, թե որն է իր գաղտնիքը, որ հեռուստաընկերությունները երիտասարդ ռեփերի առաջ դուռ չեն փակում, կրկին անկեղծ պատասխան տվեց. «Փողին մուննաթ»:
