«Սարդ» խանութների ցանցը Վանաձորում բացել է 11-րդ խանութ սրահը։ Մոտ երեք տասնամյակ շինանյութի հայկական շուկայում գործող խանութների ցանցը ներկայացնում է եվրոպական բարձրորակ ապրանքների լայն տեսականի։ Ցանցն անընդհատ ընդլայնվում է. «Սարդն» ունի 9 խանութ Երևանում, մեկը՝ Գյումրիում և արդեն մեկը՝ Վանաձորում։
Ժամանակի ընթացքում նախատեսվում է ցանցն ընդլայնել՝ ներգրավելով Հայաստանի գրեթե ամբողջ տարածքը, ինչը սպառողների համար հասանելի կդարձնի առաջարկվող ապրանքատեսականու ամբողջ ծավալը և կստեղծի այլընտրանքի հնարավորություն:
«Մենք մեր գործունեությունն իրականացրել ենք հիմնականում Երևանում։ Այժմ մենք բացում ենք մեր առաջին խանութը Վանաձորում, ինչի համար, իհարկե, շատ ուրախ ենք. մեր հաճախորդները, որոնք ստիպված են եղել գալ Երևան, այժմ կարող են ապրանք գնել այստեղ՝ Վանաձորում։ Սա արդեն երրորդ քաղաքն է Հայաստանում, որտեղ բացվել ենք, և մարդիկ, որոնք այստեղ ապրում են, կարող են վերանորոգում անել բարձրորակ ներկերով, պատերը ծածկել բարձրորակ պաստառով: Միշտ չէ, որ հարմար է դրա համար Երևան գնալը։ Մենք հիմա ավելի մոտ ենք նրանց»,– ասում է «Սարդ» ընկերության կոմերցիոն տնօրեն Ալեքսեյ Օսիպովը։
Վանաձորի խանութ սրահի բացումը կազմակերպվել էր «Դուլուքս» ապրանքանիշի հետ համատեղ, որի պաշտոնական ներկայացուցիչը Հայաստանում «Սարդ» խանութների ցանցն է։
Dulux ապրանքանիշը ներկալաքային արդյունաբերության առաջատարներից է: Dulux-ի ապրանքատեսականին ունի բազմաթիվ առավելություններ. դրանք ունեն բարձր ծածկողականություն, չեն պարունակում լուծիչներ, էկոլոգիապես մաքուր են, սերտիֆիկացված են նախակրթարաններում և բժշկական հաստատություններում կիրառելու համար:
««Սարդ» խանութ սրահների ցանցի աշխարհագրությունը ընդլայնվում է, մեր քաղաքականությունն է` ներկայացված լինել ամբողջ հանրապետությունում: «Սարդը» Հայաստանի սպառողներին է ներկայանում այնպիսի խանութ- սրահներով, որոնք իրենց տեսականու բազմազանությամբ, որակյալ ապրանքատեսականիով, սպասարկման բարձր որակով հայաստանյան շինարարության շուկայում ձևավորում են նոր մշակույթ»,– ասում է ընկերության գործադիր տնօրեն Ինեսսա Գալստյանը։
«Սարդ» խանութների ցանցում համակարգչային գունավորմամբ հնարավոր է ստանալ ավելի քան 50 000 երանգ:
1996 թ-ից հայկական շուկայում գործող «Սարդը» հանդիսանում է Հայաստանում Եվրոպական առաջատար ընկերությունների (մոտ 50 հայտնի բրենդ) պաշտոնական և բացառիկ ներկայացուցիչը:
Այս ընթացքում «Սարդը» իրականացրել է մի շարք ծրագրեր, այդ թվում`2021թ. Սարդ Fashion Show պաստառներով՝ Նորաձևություն ոչ միայն ինտերիերում և պաստառներում, այլ պոդիումի վրա: Առաջին անգամ Հայաստանում իրականացվեց նորաձևության շոու, որտեղ ցուցադրվող հագուստները պատրաստված էին ոչ թե կտորե գործվածքներից, այլ պաստառներից: Միջոցառման կարգախոսը ընկերության փիլիսոփայության ոգով էր՝ «Նորաձևությունը պաստառներում թելադրում ենք մենք»:
«Մեր այցեքարտը սպասարկման որակն է, պատասխանատվության զգացումը և երաշխավորված արդյունքի հուսալիությունը: Այս սկզբունքները միավորում են բարձրակարգ մասնագետների մեծ թիմ, որոնք կիսում են մեր ընդհանուր արժեքները և նպատակները: «Սարդը» կարևորում է թիմի մասնագիտական պատրաստվածությունը, և մենք շարունակաբար աշխատում ենք մեր թիմի մասնագիտական հմտությունների զարգացման ուղղությամբ` պարբերաբար իրենց համար կազմակերպելով տարբեր կրթական ծրագրեր»,- ՄՌԿ ղեկավար Մարինա Մաշինյանը։
28 տարիների գործունեության ընթացքում ընկերությունը կազմակերպել է 57 մաստեր կլաս և թրեյնինգ` շուրջ 2500 վարպետների, դիզայներների, ոլորտի այլ մասնագետների մասնակցությամբ: Որպես թրեյներներ հրավիրվել են Եվրոպայում, ՌԴ-ում և Հայաստանում հայտնի 42-ից ավելի մասնագետներ:
«Սարդն» արդեն հասցրել է իր թիմի համար կազմակերպել և իրականացնել 60-ից ավելի որակավորման դասընթացներ, սեմինարներ, ֆորումներ՝ առաջատար մասնագետների ներգրավամբ, ինչպես նաև 115 գործուղումներ դեպի Եվրոպա և ՌԴ՝ փորձի փոխանակման նպատակով:
«Սարդը» ներկայացնում է նաև ջեռուցման կաթսաներ, որոնք առանձնանում են իրենց հուսալիությամբ և երկարաժամկետ կիրառմամբ։
