Իրանի նախագահ Էբրահիմ Ռաիսիի, արտաքին գործերի նախարար Հոսեյն Ամիր-Աբդոլահիանի եւ նրանց ուղեկիցների մարմինները հրաժեշտի արարողությունից հետո, որն այս րոպեներին տեղի է ունենում Արեւելյան Ադրբեջան նահանգի Թավրիզ քաղաքում (երկրի հյուսիս-արեւմուտք), առաջիկայում կուղարկեն Կում քաղաք, որը գտնվում է Իրանի մայրաքաղաքից ոչ հեռու, տեղեկացրել է PressTV գործակալությունը։
«Նախագահ Ռաիսիի եւ նրա ուղեկիցների մարմինները հուղարկավորության արարողությունից հետո կտանեն Թավրիզով՝ Կում ուղարկելու համար»,- նշվել է հաղորդագրությունում։
Իրանի նախագահ Էբրահին Ռաիսիին, արտաքին գործերի նախարար Հոսեյն Ամիր-Աբդոլահիանին եւ պաշտոնատար այլ անձանց տեղափոխող ուղղաթիռը կործանվել էր մայիսի 19-ին երկրի հյուսիս-արեւմուտքում, Վերզեգան շրջանում։ Մայիսի 20-ի առավոտյան Իրանի փոխնախագահ Մոհսեն Մանսուրին հաստատել է ուղղաթիռի կործանման հետեւանքով նախագահի եւ նրա պատվիրակության անդամների զոհվելու մասին տեղեկությունը։
