ԱՄՆ կառավարության պաշտոնյաները հեռահաղորդակցական ընկերություններին գաղտնի զգուշացրել են, որ Խաղաղ օվկիանոսով ստորջրյա ինտերնետ տրաֆիկ տեղափոխող ինտերնետ մալուխները խոցելի են չինական վերանորոգվող նավերի կողմից լրտեսության համար:
Դրա մասին հայտնել է The Wall Street Journal պարբերականը։ Չինական հնարավոր միջամտությունը սպառնում է առևտրային և ռազմական տվյալների անվտանգությանը, իր հերթին զգուշացրել է գերմանական Deutsche Welle-ն։
The Wall Street Journal պարբերական նշել է, որ ԱՄՆ Պետքարտուղարության ներկայացուցիչները արձանագրել են սուզանավային մալուխների տեղադրման և վերանորոգման մեջ մասնագիտացած չինական S.B Submarine Systems ընկերության վերանորոգվող նավերի արտասովոր պահվածքը։
Բանն այն է, որ ընկերությունը ռադիո և արբանյակային հետագծման ծառայություններից թաքցնում է իր նավերի գտնվելու վայրը: Խոսքը, մասնավորապես, չինական Fu Hai, Fu Tai և Bold Maverick նավերի մասին է, որոնք Թայվանի և Ինդոնեզիայի մերձակայքում աշխատելիս երբեմն անտեսանելի են դառնում հետևող համակարգերի համար։
ԱՄՆ պաշտոնյաները մտավախություն ունեն, որ S.B. Submarine Systems-ը միտումնավոր թաքցնում է գաղտնի գործողություններին մասնակցող իր նավերի տեղաշարժերը:
The Wall Street Journal-ը նաև պնդում է, որ ԱՄՆ պաշտոնյաները հատկապես զգոն են դարձել գաղտնի ռազմական տվյալներ պարունակող մալուխների նկատմամբ, քանի որ այդ մալուխները հաճախ անցնում են առևտրային ինտերնետ գծերով:
ԱՄՆ հետախուզական ծառայությունները վաղուց են զգուշանում ստորջրյա օպտիկամանրաթելային մալուխների սպասարկման և վերանորոգման միջոցով լրտեսությունից:
