Bajaj Auto հնդկական ընկերությունը հայտնել է հունիսին ներկայացվելիք նորույթի մասին՝ մոտոցիկլ, որն աշխատելու է հեղուկացված բնական գազով։ Այն նախատեսում էին արտադրել 2025թ. ոչ շուտ, բայց ռուսական գազի սպառման ավելացումը երկրում ստիպել է փոխել պլանները, գրել է «Տեխկուլտը»։  Հնդկաստանի մոտոցիկլների շուկան գնահատվում է 31 մլրդ դոլար, եւ եթե ստացվի գազով աշխատեցնել դրա գոնե մի մասը, շահույթն արդեն երաշխավորված կլինի։

Ավանդույթի համաձայն՝ նորույթի բոլոր բնութագրերը գաղտնի են պահվում։ Ինսայդերները հրապարակել են մի քանի կադրեր, որոնցում, գուցե, պատկերված են գազով մոտոցիկլները կամ դրանց նախատիպը։ Ենթադրվում է, որ արտադրողն արդեն իրականացրել է թեսեր ճանապարհներին, եւ նոր մոդելը այնքան հաջող է ստացվել, որ միանգամից դրվում է սերիական արտադրության։

Մոտոցիկլի գլխավոր առավելություններից են վառելիքի ցածր արժեքը եւ մթնոլորտ արտանետումների զգալի նվազեցումը։ Վառելիքի խնայողությունը էժան գազի օգտագործման հաշվին կարող է կազմել 50-56 տոկոս։ Արտանետումները կկրճատվեն 75 տոկոսով բենզինի անալոգների համեմատ։ Մոտոցիկլի արժեքի մասին առայժմ ոչինչ հայտնի չէ։