Ռուսաստանի պաշտպանության նախարարությունը հայտնել է անցած գիշեր Ռուսաստանի մի շարք շրջանների վրա երկու «Տոչկա-Ու» օպերատիվ-մարտավարական հրթիռի և վեց անօդաչու թռչող սարքի ոչնչացման մասին։
«Հերթապահ ՀՕՊ միջոցները ոչնչացրել են երկու օպերատիվ- մարտավարական հրթիռ Բելգորոդի, երեք ուկրաինական անօդաչու Բրյանսկի, երկու անօդաչու Լիպեցկի շրջանների տարածքում։ Վոլգոգրադի շրջանի տարածքում մեկ ԱԹՍ է որսացվել»,- ասվում է ՌԴ ՊՆ հաղորդագրության մեջ։
Իր հերթին Ռուսաստանի Դաշնության Բելգորոդի նահանգապետ Վյաչեսլավ Գլադկովը հայտնել է մայիսի 11-իգրոհի հետևանքների մասին։
Ըստ նրա, երեկոյան զանգվածային հրետակոծությունից հետո տուժել է 29 մարդ, 12-ը ամբուլատոր բուժօգնություն ստանալուց հետո դուրս է գրվել, 17 մարդ գտնվում է հիվանդանոցում, նրանցից մեկը երեխա է։
Երկու տուժածի վիճակը ծայրահեղ ծանր է։
Բացի այդ, վնասվել են 85 բազմաբնակարան շենքի 300-ից ավելի բնակարան, 4 անհատական տուն, 14 կոմերցիոն ձեռնարկություն, մի շարք սոցիալական օբյեկտներ, այդ թվում՝ առողջապահական հաստատություններ։