Գյումրու կենտրոնական հրապարակից մեկնարկել է ավտոերթ դեպի Երևան՝ միանալու «Տավուշը հանուն հայրենիքի» նախաձեռնության սկսած շարժման:
Ավելի վաղ հայտնել էինք, որ Բագրատ Սրբազանը տեսաուղերձով դիմել է նաև սփյուռքահայերին՝ կոչ անելով մասնակցել իրենց քաղաքներում կազմակերպվող անհնազանդության ակցիաներին և իրենց բողոքի ձայնը բարձրացնել:
Հիշեցնենք, որ մայիսի 10-ին Հանրապետության հրապարակում մեկնարկած հանրահավաքին «Տավուշը հանուն հայրենիքի» շարժման առաջնորդ Բագրատ Սրբազանը հայտարարեց, որ Հայաստանի 10 վայրերում՝ Երեւանում եւ մարզերում խաղաղ անհնազանդության ակցիաներ են իրականացվելու: Իսկ հանրահավաքը տեղի կունենա մայիսի 12-ին՝ ժամը 18։30-ին: