ՀՀ իշխանությունների իրականացրած «սահմանազատումը» հակադրվում է երկրի շահերին, կրում է միանգամայն անօրինական բնույթ, չի համապատասխանում ոչ մի միջազգային նորմի, խախտում է Հայաստանի անվտանգության համակարգը։ Այս մասին հայտնել է ՀՀ նախկին օմբուդսմեն Արման Թաթոյանը լրագրողների հետ զրույցում, դեպի Երեւան բողոքի երթի ժամանակ։

Թաթոյանը նորից ընդգծել է սահմանազատման հանձնաժողովների գործունեության անօրինական բնույթը, դրա համար ոչ մի օրինական հիմք չկա։ «Տպավորություն է ստեղծվում, որ տեղի է ունենում օրինական սահմանազատում։ Դրա համար էլ երկրները եւ կազմակերպությունները ողջունում են։ Անգամ ասում են, որ դա տեղի է ունենում պայմանագրի հիման վրա։ Իրականում ոչ մի պայմանագիր էլ չկա։ Այդ մասին են խոսում պաշտոնական հաղորդագրությունները։ Սկսվել է շատ վտանգավոր գործընթաց ՀԱԵ-ի նկատմամբ, հարձակումներ եկեղեցու եւ անձամբ արքեպիսկոպոս Բագրատ Գալստանյանի դեմ։ Բացի այն, որ այդ փորձերը ընկնում են իրենց իսկ ընդունած ՔՕ-ի տակ, դրանք սասանում են մեր պետության հիմքերից մեկը՝ ՀԱԵ-ն»,- ընդգծել է Թաթոյանը՝ ավելացնելով, որ այս երթը մարդկանց պայքարն է հանուն իրենց տանն ապրելու։ Նա հիշեցրել է, որ իշխանությունների գործողություններն արդեն հանգեցրել են վատ իրավիճակի Սյունիքում, Գեղարքունիքում, որտեղ ջրի աղբյուրները հայտնվել են ադրբեջանցիների մոտ, իսկ մարդիկ ստիպված են գետի ջուր խմել, երեխաները դպրոց են գնում թշնամու նշանառության տակ, եթե այդ պահին լռես, կլսվի ադրբեջաներեն խոսք։ «Տավուշում ավելի վատ է լինելու։ Հիմա դեռ ծաղիկներն են։ Պատկերացնում եք, թե ինչ տեղի կունենա, եթե սկսեն անկլավները հանձնել։ Որոշ գյուղեր առհասարակ կանհետանան, անգամ ճանապարհներ չեն լինի»,- զգուշացրել է Արման Թաթոյանը։