Ուկրաինան շարունակում է նախապատրաստվել Խաղաղության գագաթնաժողովին։ Հենց այդ ժամանակ աշխարհի մեծամասնությունը կկարողանա Ռուսաստանին խաղաղություն հարկադրել, ասել է Ուկրաինայի նախագահ Վլադիմիր Զելենսկին, տեղեկացնում է РБК-Украина-ն։

«Շարունակում ենք հունիսի համար նախապատրաստել առաջին, մեկնարկային Խաղաղության գագաթնաժողովը, և մեր թիմն այժմ, և նրա հետ միասին հիմնական գործընկերների թիմերը, աշխատում են գագաթնաժողովն իսկապես գլոբալ դարձնելու ուղղությամբ», - ասել է Ուկրաինայի նախագահը:

Նա ընդգծել է, որ ներկայացված են լինելու բոլոր մայրցամաքները՝ աշխարհի տարբեր մասեր, տարբեր տեսակետներ գլոբալ զարգացման վերաբերյալ։

«Բայց նրանց բոլորին միավորում է միսնական ճանաչումը, որ ՄԱԿ-ի կանոնադրությունը և հիմնական միջազգային կոնվենցիաները պարտադիր փաստաթղթեր են աշխարհի յուրաքանչյուր պետության համար, այդ թվում՝ Ռուսաստանի, , որտեղ տիրում է խելագարությունը: Աշխարհի մեծամասնությունը պետք է Ռուսաստանին խաղաղություն հարկադրի և կարող է դա անել։ Հենց հունիսին կարող է սկսվել դեպի արդարացի աշխարհ տանող ճանապարհը»,- եզրափակել է Զելենսկին։

Խաղաղության գլոբալ գագաթնաժողովը առաջիկա միջազգային հանդիպումն է երկրների ղեկավարների մակարդակով, որը նախապատրաստում է Ուկրաինան։ Հանդիպումը կկայանա Շվեյցարիայում այս տարվա հունիսի 15-16-ը։