Գազայում զինադադար հաստատելու ջանքերն առաջ են շարժվում, քանի որ Ռաֆահի վրա մոտալուտ ցամաքային հարձակման սպառնալիքը գնալով լրջանում է, հայտնում է Al Jazeera-ն։

Ինչպես նշում է հեռուստաալիքը, Համաշխարհային տնտեսական ֆորումի (ՀՏՖ) նախագահ Բորգե Բրենդեն հայտարարել է, որ «այժմ նոր ազդակ է հայտնվել  պատանդների շուրջ բանակցություններում, ինչպես նաև ... հնարավոր ելք այն փակուղուց, որին բախվել ենք Գազայում»:

Այս հայտարարությունը նա արել է կիրակի օրը Էր Ռիադում սկսված գագաթնաժողովում, որին մասնակցում են ԱՄՆ պետքարտուղար Էնթոնի Բլինքենը և տարբեր երկրների բարձրաստիճան պաշտոնյաներ, որոնք փորձում են բանակցել հրադադարի շուրջ: