Եմենում վթարի է ենթարկվել ԱՄՆ ռազմաօդային ուժերի MQ-9 Reaper անօդաչու թռչող սարքը, հայտնել է ԱՄՆ ռազմական պաշտոնյան՝ պարզաբանելով նախկին տեղեկությունն այն մասին, որ այն կործանվել է առափնյա հատվածում, հայտնում է CBS News-ը։

Միջադեպը ներկայումս հետաքննվում է։  

Նշվում է, որ խոցված անօդաչուի պատասխանատվությունը ստանձնել են Եմենի հութիները։

Լրատվամիջոցը նշում է, որ նոյեմբերից հութիները խոցել են ևս երկու MQ-9՝ երկուսն էլ Եմենի ափերի մոտ՝ առաջինը նոյեմբերի սկզբին, իսկ երկրորդը՝ փետրվարին։ ԱՄՆ Կոնգրեսի հետազոտական ​​ծառայության տվյալներով,  յուրաքանչյուր անօդաչուի արժեքը մոտ 30 միլիոն դոլար է: