Հայ ժողովուրդը նման պայմաններում շատ արագ կարողանում է հավաքվել, դառնալ հավաքական ուժ եւ բոլոր դժվարությունները հաղթահարելով միասնական ուժով գնալ դեպի հաղթանակ: Այս մասին, այսօր՝ ապրիլի 24-ին, Ծիծեռնակաբերդի հուշահամալիրում NEWS.am-ի հետ զրույցում նշեց «Արամո» ջոկատի հիմնադիր, գնդապետ Արամ Թորգոմյանը (Արամո):
«Այո, դավաճանությունը շատ է, այո կեղծիքը, խաբեությունը շատ էբայց հայ ազգի ոգին ոչ մեկը չի կարող կոտրել: Մենք եղել ենք, կանք ու լինելու ենք հավերժ, քանզի աշխարհի էպիկենտրոն հանդիսացող հայ ժողովուրդը ապրում, բնակայում եւ գոյատեւում է աշխարհի դրախտավայրում: Հայոց դրախտավայրը Միջագետքի, Քուռի ու Եփրատի արանքում է: Դա է հայոց աշխարհը: Մեզ մաս-մաս արեցին, մի պուճուր Հայաստան դարձրեցին»,-ասաց նա:
Անդրադառնալով սահմանազատման գործընթացին, նա ասաց. «Ես քաղաքական դաշտ չեմ մտնում, ես զինվորական եմ, իմը երկրի սահման պահելն ա: Եթե կասեն զենք վերցրեք, պետք է տան զենքը: Սահմանազատումով մեր սահմանները չեն կարա ամրանան: Նման պարագայում մեր զավթողներ ախորժակը բացվում է, սկսում են ավելին պահանջել: Եթե ժամանակին Արեւմտյան Հայաստանը կարողանայինք պահել, մենք այս կորուստը չէինք ունենա: Մեր հայրերը կարողացան ժամանակին համախմբվել, հաղթեցին Սարդարապատում, Բաշ Ապարանում, Ղարաքիլիսայում, բայց դավաճանեց մեզ ռուսը, իր զորքը հանեց եւ թողեց մեզ ճակառ առ ճակատ թուրքի դեմ: Մենք տանուլ տվեցինք: Ու երբ հասկացան, որ հայը համախմբվել է եւ գնում է դեպի հաղթանակ, ազատագրելու Արեւմտյան Հայաստանը, կնքեց Մոսկվայի ու Ղարսի պայմանագրերը: Մենք այսօր էլ նույն իրավիճակում ենք»: