Ուկրաինական մեկ կամ մի քանի անօդաչու հարվածել է Սմոլենսկի մերձակայքում գտնվող Ռազդորովո գյուղի նավթային պահեստին․ այնտեղ հրացոլք և ծուխ է երևում: Այս մասին հայտնում է ռուսաստանյան SHOT պարբերականը՝ վկայակոչելով տեղի բնակիչների իր բաժանորդներին։
«Ինչպես հայտնել են SHOT-ի բաժանորդները, առաջին պայթյունը որոտացել է ժամը 03:15-ին Ռազդորովո գյուղի մոտ գտնվող նավթային բազայի տարածքում (Սմոլենսկից մոտ 20 կմ հեռավորության վրա): Մոտ 15 րոպե անց կրկին պայթյուն է եղել, որից հետո արդյունաբերական օբյեկտի տարածքում հրացոլք ու ծուխ է հայտնվել։ Արդեն առավոտյան ժամը չորսի մոտ ևս մի քանի ուժեղ պայթյուն է լսվել»,- հայտնում է SHOT տելեգրամյան ալիքը։
Սմոլենսկի նահանգապետ Վասիլի Անոխինը Telegram-ում հայտնել է, որ «քաղաքացիական վառելիքաէներգետիկ օբյեկտների վրա թշնամու հարվածներից հետո» հրդեհներ են սկսվել մարզի երկու թաղամասում։