Իմաստուն ծաղրածուի պատյանը հագնելով` Արմեն Ջիգարխանյանն ինքն էլ չգիտի, թե ինչ է խոսում: Այդ մասին Ռուսաստանի «Երկրամաս» թերթի Տեղեկատվական կենտրոնի կայքում տված հարցազրույցի ժամանակ նշել է ԽՍՀՄ ժողովրդական դերասան, «Համազգային թատրոնի» ղեկավար Սոս Սարգսյանը` մեկնաբանելով Ջիգարխանյանի հայտարարությունները Ղարաբաղի հարցի վերաբերյալ:
«Ընդ որում, ես անձամբ, ցավում եմ, որ չեմ կարող ազդել նրա վրա այդ հարցում, որովհետեւ մենք մի ժամանակ բավականին մտերիմ էինք: Կա այսպիսի հասկացողություն` իմաստուն միմոսներ: Իմաստուն միմոսի պատյանը հագնելով` Արմեն Ջիգարխանյանն ինքն էլ չգիտի` ինչ է խոսում: Ես շատ վատ եմ վերաբերում այս ամենին: Կարծում եմ, որ մարդը չպետք է կորցնի իր ակունքները, դավաճանի հոր ու մոր արյունը: Դավաճանությունը բոլոր ժամանակներում պատժվել է»,- նկատել է դերասանը:
Մեկնաբանելով Հայաստանում թուրքական եւ ադրբեջանական ֆիլմերի փառատոններ անցկացնելու փորձերը` Սարգսյանը նշել է, որ, թեեւ նրան անձամբ չեն հրավիրել մասնակցելու այդ փառատոններին, ընդանուր առմամբ, ինքը ողջունում եւ ընդունում է այդպիսի նախաձեռնությունները:
«Իհարկե, շատ լավ կլիներ, եթե դա լինել փոխադարձ եւ թուրքերն ու ադրբեջանցիներն էլ անցկացնեին մեր ֆիլմերի փառատոններ: Կարծում եմ, որ այդպիսի քայլերով մեր եղբայր ադրբեջանցիներին չես կարող մեղմել եւ ավելի մարդկային դարձնել: Իսկ Ադրբեջանում այնպիսի հայատյացություն է, որ այն սարսափ է առաջացնում ցանկացած գիտակից մարդու մոտ: Ես խղճում եմ այդ ազգին, որի ուղեղն առավոտից մինչ երեկո լցնում են այն միտքը, որ նա պետք է ատի ամեն հայկական բան: Հարցն այն է, թե որքան երկար ադրբեջանցիները կկարողանան իրենց մեջ կրել այդ թույնը»,- ասել է Սոս Սարգսյանը:
