ԱՄՆ-ի շահերը Լիբիայում ժամանակավորապես կներկայացնի Թուրքիան։ Այս մասին հայտարարել է ԱՄՆ Պետդեպարտամենտի ներկայացուցիչ Մարկ Թոները։
«Իսկապես, Թուրքիան համաձայնել է ներկայացնել մեր շահերը Լիբիայում, որի համար մենք երախտապարտ ենք»,-ասել է Թոները Պետդեպարտամենտում ասուլիսի ժամանակ, գրում է «ՌԻԱ Նովոստին»։
Հարցին, թե ԱՄՆ-ը նպատակահարմա՞ր է գտնում Լիբիայում օպերացիայի ղեկավարությունը հանձնել ՆԱՏՕ-ին, այլ ոչ Մեծ Բրիտանիա-Ֆրանսիա տանդեմին,
Թոներն արձագանքել է, որ ԱՄՆ-ն ի դեմս ՆԱՏՕ-ի տեսնում է այն կառույցին, որն ունակ է հաջողության հասնել:
«Մենք արդեն ասել ենք, որ ՆԱՏՕ-ն ունի հրամանատարության եւ կառավարման բոլոր հնարավորությունները, որոնք օգտակար կլինեն գործողության հաջորդ փուլին անցնելու համար: Ես գիտեմ, որ հրամանատարության փոխանցման շուրջ բանակցությունները դեռ շարունակվում են եւ դրանք գաղտնի կմնան բոլորի համար»- ասել է Թոները: