Թուրքիայում Մուամար Քադաֆիի վարչակազմի դեմ ակցիա է ընթանում: Ինչպես հայտնում է Salamnews-ը` վկայակոչելով թուրքական լրատվամիջոցները, ակցիան տեղի է ունեցել Ստամբուլում` Լիբիայի հյուպատոսության շենքի առջեւ: Ցուցարարներն այրել են Քադաֆիի պատկերով ցուցապաստառները, քննադատական խոսքեր ասել նրա հասցեին: Նրանք քննադատել են նաեւ Քադաֆիի որոշումը` կրակ բացել խաղաղ ցուցարարների վրա:
Ցուցարարները Լիբիայում կատարվող իրադարձությունները ջարդ եւ մարդկության դեմ պատերազմ են անվանել:
Լիբիայում իրավիճակը սրվեց Եգիպտոսում տեղի ունեցած դեպքերից հետո, երբ պաշտոնանկ եղավ այդ երկրի նախագահ Հոսնի Մուբարաքը: Տարբեր աղբյուրների տվյալներով, Լիբիայում զոհվել է 300-1000 մարդ: Քադաֆին հայտարարել է, որ «կմեռնի միայն այդ հողի վրա»: