Հայաստանի ԿԳՆ Երեւանի «Մխիթար Սեբաստացի» կրթահամալիրը 2011թ. հունվարի 20-22-ը կազմակերպում է «Թվային միջոցները կրթության արդյունավետ գործիքներ» միջազգային 3-րդ ստուգատեսը:
Ստուգատեսի օրերին հրապարակային ներկայացվում են «Մայքրոսոֆթի» երեւանյան գրասենյակի, «Ֆիրմա Ալֆա»-ի, INTEL-ի ներկայացուցիչ «Յունիքոմփ» ընկերության, ԻՏՁՄ-ի աջակցությամբ իրականացվող «Մեդիա- հանրակրթական դասարան» ծրագրի առաջին փուլի արդյունքները, ուսուցման մեջ ՏՀՏ-ների կիրառման 2010թ. մեր փորձը, հանրապետությունում հանրակրթության մեջ ՏՀՏ կիրառման լավագույն փորձը, նորարարական լուծումները, խրախուսվում են լավագույն ձեռքբերումները:
Ստուգատեսին հրավիրված են Արցախի, Ջավախքի, Պետերբուրգի, Թբիլիսիի, Բուենոս-Այրեսի մեր գործընկեր ուսումնական հաստատությունները:
