Ռուսական «Ինտեր ՌԱՕ ԵԷՍ» ընկերությունը փոխել է Թբիլիսիի էլեկտրաբաշխիչ «Թելասի» ընկերության գլխավոր տնօրենին: Աշոտ Մանուկյանի փոխարեն գլխավոր տնօրենի պաշտոնակատար է նշանակվել Դեւի Կանդելակին:
«Թելասի» ընկերության աղբյուրը պարզաբանել է, որ «Թելասիի» այժմ արդեն նախկին տնօրեն Աշոտ Մանուկյանը կզբաղվի «Ինտեր ՌԱՕ ԵԷՍ»-ի այլ ակտիվի՝ Հայաստանի Հրազդանի ՋԷԿ-ի զարգացմամբ, հայտնում է «Պրայմ» տեղեկատվական գործակալությունը:
«Թելասին» Վրաստանի խոշորագույն ցանցային ընկերություններից է: Այն էլեկտրաէներգիայի մատակարար է 450 հազար սպառողների համար: 2003 թ. օգոստոսին ընկերությունը ընդգրկվել է «Ինտեր ՌԱՕ ԵԷՍ»-ի կազմում:
