Թուրքիայի Մալաթիա քաղաքից 7 կմ հեռավորության վրա գտնվող Վանք գյուղի Սուրբ Գրիգոր Լուսավորիչ եկեղեցու վերանորոգման աշխատանքներն սկսել են:
Թուրքական Haberyurdum կայքի փոխանցմամբ՝ Մալաթիայի Վանք գյուղի հայկական Սուրբ Գրիգոր Լուսավորիչ եկեղեցու վերանորոգման համար Մալաթիայի նահանգային հատուկ վարչությունն արդեն եկեղեցու մոտ է տեղափոխել շինանյութ եւ շինաշտարակներ:
Մալաթիայի հայերի միության նախագահ Խոսրով Քյոլեթավիթօղլուն նշել է, թե նման աշխատանքների շնորհիվ ավելանում է Մալաթիայի հարստությունը՝ շեշտելով, թե այսպես Մալաթիան հետ է ստանում իր իրավունքները:
Նշենք, որ Վանքի Սուրբ Գրիգոր եկեղեցին համարվում է 5-րդ դարի կառույց:
Նախատեսված է, որ Վանքի եկեղեցու հետ զուգահեռ վերանորոգվելու է նաեւ Մալաթիա քաղաքում գտնվող հայկական Սուրբ Երրորդություն եկեղեցին:
