Եվրոպայում ՆԱՏՕ-ի միավորված ուժերի գերագույն հրամանատար, գեներալ Քրիստոֆեր Կավոլին հինգշաբթի հայտարարել է, թե չի հավատում, որ ռուս զինվորականները բավականաչափ զորքեր են տեղակայել Ուկրաինայի հյուսիս-արևելքում Խարկովի մերձակայքում ռազմավարական ճեղքման հասնելու համար:
Ըստ Reuters-ի՝ գեներալ Կավոլին համոզմունք է հայտնել, որ ուկրաինական զորքերը կպահպանեն իրենց դիրքերը տարածաշրջանում։
«Ռուսները ռազմավարական բեկում մտցնելու համար բավականաչափ ուժ չունեն»,- շեշտել է Կավոլին Բրյուսելում՝ ՆԱՏՕ-ի կենտրոնակայանում տրանսատլանտյան դաշինքի ռազմական առաջնորդների հանդիպումից հետո անցկացված մամուլի ասուլիսում: Ըստ գեներալի՝ ռուսները չունեն դա անելու հմտություններ և հնարավորություններ՝ ռազմավարական առավելություններ կորզելու համար:
Իր հերթին, ՆԱՏՕ-ի ռազմական կոմիտեի նախագահ, ծովակալ Ռոբ Բաուերը մամուլի ասուլիսում հայտարարել է, որ ակնկալում է «խոշոր բարելավումներ» զինամթերքի քանակի առումով, որը շուտով կստանա Ուկրաինայի զինված ուժերը։ ՆԱՏՕ-ում համարում են, որ Խարկովի տարածքում բեկում մտցնելու համար Ռուսաստանը բավականաչափ ուժեր չունի:
