Ուկրաինայի նախագահ Վլադիմիր Զելենսկին հարցազրույց է տվել AFP-ին եւ նախազգուշացրել, որ Ռուսաստանը կարող է ակտիվացնել հարձակումը, նա հայտնել է, որ Կիեւը կհամաձայնի միայն «արդարացի խաղաղությանը»՝ չնայած արագ լուծման Արեւմուտքի կոչերին։
Զելենսկին նաեւ կրկնել է դաշնակիցներին ուղղված խնդրանքը՝ ՀՕՊ ավելի շատ ինքնաթիռներ եւ կործանիչներ ուղարկել, եւ ասել է, որ Ռուսաստանի «ամենամեծ առավելությունը» Ուկրաինայի կողմից ռուսական տարածքին արեւմտյան զենքով հարվածներ հասցնելու Արեւմուտքի արգելքն է։ Զելենսկին ուրբաթ հայտնել է, որ Ուկրաինան կպահպանի իր պաշտպանական բնագծերը եւ կկանգնեցնի ցանկացած խոշոր ռուսական առաջխաղացում։
Ուկրաինայի նախագահը հերքել է Ֆրանսիայի նախագահ Էմանուել Մակրոնի կոչերը օլիմպիական հրադադարի մասին Փարիզի խաղերի ժամանակ՝ հայտնելով, որ դա «առավելություն» կտա Մոսկվային՝ նրան ժամանակ տրամադրելով զորք եւ հրետանի նետելու համար։
«Մենք անհեթեթ վիճակում ենք, երբ Արեւմուտքը վախենում է, որ Ռուսաստանը կպարտվի պատերազմում։ Եվ չի ցանկանում, որպեսզի այն տանուլ տա Ուկրաինան»,- ասել է Զելենսկին։
«Բոլորը ցանկանում են գտնել մի ինչ-որ մոդել, որպեսզի պատերազմն ավելի արագ ավարտվի»,- ասել է նա՝ պատասխանելով ռազմական գործողությունների դադարի հնարավոր սցենարի մասին հարցին, նման այն բանին, որը բաժանարար գիծ սահմանեց Կորեական թերակղզում։
Ուկրաինայի նախագահը Չինաստանին եւ զարգացող աշխարհի երկրներին կոչ է արել մասնացել գագաթաժողովին, որը տեղի է ունենալու չեզոք Շվեյցարիայում հաջորդ ամիս, եւ որին Ռուսաստանը հրավիրված չէ։ Նրա խոսքով՝ այնպիսի գլոբալ խաղացողներ, ինչպիսին Չինաստանն է, ազդեցություն ունեն Ռուսաստանի վրա։
«Եվ որքան ավելի շատ մեր կողմում լինեն այդպիսի երկրները, պատերազմն ավարտելու կողմում, ես կասեի՝ այնքան ավելի շատ Ռուսաստանը ստիպված կլինի հաշվի նստել մեզ հետ»,- ավելացրել է նա։
