Պետք է նվազեցնել Հայաստանում առկա հարկային բեռի տարբերությունը: Այս մասին Ազգային ժողովում՝ մայիսի 17-ին, Հարկային օրենսգրքում փոփոխություններ և լրացումներ կատարելու և հարակից օրենքներում լրացումներ կատարելու մասին օրինագծերի փաթեթի քննարկման ժամանակ` ԱԺ տնտեսական հարցերի մշտական հանձնաժողովի նիստում, ասաց ՀՀ ֆինանսների փոխնախարար Արման Պողոսյանը։
Մասնավորապես, ըստ նրա, խոսքը վերաբերում է ընդհանուր հարկային համակարգին եւ շրջանառության հարկային համակարգին։
«Այնպես որ, փաստաթղթավորված ծախսերից ելնելով, անհրաժեշտ է միասնական մոտեցում սահմանել հարկային դրույքաչափի նվազեցման հարցում։ Անհրաժեշտ է նաև բարձրացնել տարբեր հարկային համակարգերում գործարքների փաստաթղթավորման մակարդակը, ինչպես նաև սահմանափակել գործունեության որոշակի տեսակների հարկումը։ Մասնավորապես՝ շրջանառության հարկը կամ միկրոձեռնարկատիրությունը արտոնյալ հարկային համակարգերում»,- ասաց Պողոսյանը։
Կառավարության ներկայացուցիչը նշեց, որ այսօր շուրջ 55 հազար ձեռնարկատեր վճարում է շրջանառության հարկ։ Նրա խոսքով, այս օրենսդրական փաթեթն առաջարկում է լուծումներ, որոնք կհեշտացնեն շրջանառության հարկի համակարգից ընդհանուր հարկման համակարգի անցումը։
Օրենսդրական նախաձեռնությունը դրական կարծիք է ստացել մշտական խորհրդարանական հանձնաժողովի կողմից։
