Առանց վարորդի մինի բեռնատարը Ղրղզստանի հարավում գտնվող Ջալալ-Աբադ շրջանի Սուզակ թաղամասում տոնի ժամանակ վրաերթի է ենթարկել 29 երեխայի, հինգշաբթի լրագրողներին հայտնել են հանրապետության առողջապահության նախարարության մամուլի ծառայությունից։
«Բախման հետևանքով տուժել է 29 երեխա։ Նրանցից երեքն այժմ գտնվում են ծանր վիճակում։ Առողջապահության նախարար Ալիմկադիր Բեյշենալիևը տուժածներին օգնություն ցուցաբերելու իրավիճակը վերցրել է անձնական հսկողության տակ»,- ասել է մամուլի ծառայության ներկայացուցիչը։
Ինչպես լրագրողներին հայտնեցին ճանապարհային անվտանգության վարչության մամուլի ծառայությունից, ավտոկայանատեղիում կայանված Hyundai Porter մինի բեռնատարը հանկարծակի սկսել է շարժվել և, գլորվելով զառիվայրից, հարվածել է երեխաներին, ովքեր պատրաստվում էին փառատոնում արտասանել Ղրղզստանի ազգային էպոս «Մանաս»-ը :Գերատեսչության տվյալներով՝ վարորդն այդ պահին մեքենան չի վարել։
