Չինաստանի հարավում, Գուանդուն նահանգում գերարագ մայրուղու ճանապարհապաստառի փլուզման հետեւանքով մահացել է 19 մարդ։ Այս մասին տեղեկացրել է Xinhua գործակալությունը։

Տուժել է 30 մարդ, որոնք տեղափոխվել են հիվանդանոց։

Միջադեպը տեղի է ունեցել չորեքշաբթի գիշեր Մեյչժոու քաղաքում, 18 տրանսպորտային միջոց հայտնվել է գոյացած հսկայական փոսում։ Չինական ԶԼՄ-ների հրապարակած կադրերում երեւում է, որ որոշ մեքենաներ այրվել են ընկնելու հետեւանքով։ Փլուզված ճանապարհահատվածի երկարությունը մոտ 18 մետր է, մակերեսը՝ 184 քառակուսի մետր։

Տեղի իշխանությունները հայտնել են, որ փլուզման պատճառը կարող էին լինել հզոր հորդառատ անձրեւները, որոնք Գուանդունում տեղացել են անցած շաբաթ։